Monday, December 8, 2014

Ant Me Hum Dono Hi Honge....

"Bhale hi Zaghade, Gussa Kare,
EK Dusre per Tut Pade,
Ek Dusre per Dadagiri Karne ke liye,
Ant me Hum Dono hi Honge....

Jo kahena he Vah Kah le..
Jo Karna He woh Kar Le..
Ek Dusre Ke Chashme Or Lakdi Dhundhne me..
Ant Me Hum Dono Hi Honge...

Main Roothu To Tum Mana Lena..
Tum Rootho To Main Mana Lunga..
Ek Dusre ko Lad Ladane ke liye
Ant me Hum Dono hi Honge...

Aankhe Jab Dhundhali Hongi..
Yad-dast Jab Kamjor Hongi..
Tab Ek Dusre ko Ek Dusre me Dhundhane ke liye..
Ant me Hum Dono hi Honge...

Ghutne Jab Dukhane Lagenge..
Kamar Bhi Jhukna Band Karegi...
Tab Ek Dusre ke Pav Ke Nakhoon Katne ke liye..
Ant Me Hum Dono Hi Honge....

Meri "Heath Report" Ek Dum Normal He..
"I Am All Right" Aisa Keh Kar
Ek Dusre ko Bahkane ke liye
Ant Me Hum Dono Hi Honge...

Sath Jab Chhut Jayega..
Bidaayi Ki Ghadi Jab Aa Jayegi...
Tab Ek Dusre ko Maf Karne ke Liye Or
Ek Dusre Ko "Alvida" Kahne Ke Liye....
Ant Me Hum Dono Hi Honge...


~Prem....

No comments: